अन्तराष्ट्रिय हवाई उडानको प्रतिबन्ध जेठ १७ गतेसम्म लम्बिएको छ । नेपाल नागरिक उड्डयन प्राधिकरणले जेठ १७ अर्थात् ३१ मे २०२१ सम्म अन्तराष्ट्रिय हवाई उडानमाथिको प्रतिबन्ध कायम रहने जनाएको छ ।
यो अवधिमा पनि यसअघि निरन्तर रहेको भारतसँग सातामा दुई उडान भने निरन्तर हुनेछ ।
यसअघि वैशाख मसान्तसम्म तालिका अनुसार हुने अन्तराष्ट्रिय उडान प्रतिबन्ध लगाउने निर्णय भएको थियो । थपिएको उडान प्रतिबन्धको अवधिमा एयरलाइन्सहरुले मेडिकल उडान, चार्टर्ड र कार्गो उडानको अनुमति भने पाउने भएका छन् ।
