नेपाल आयल निगमले हवाई इन्धनको मूल्य घटाएको छ । आइतबार साँझ विज्ञप्ति जारी गरी निगमले हवाई इन्धनको मूल्य घटाएको हो ।
आइतबार बसेको निगम सञ्चालक समितिको बैठकले कोभिडको महामारी कायम रहेसम्म बढीमा १५ प्रतिशतसम्म नाफा राखि अन्तराष्ट्रिय हवाई इन्धनको मूल्य तोकेको हो । यसअघि अमेरिकी डलर ८९३ प्रतिकिलोलिटर रहेको अन्तराष्ट्रिय हवाई इन्धनको मूल्य अब प्रतिकिलोलिटर ७१५ डलर तोकिएको छ ।
निगमले अन्तराष्ट्रिय हवाई इन्धनको भाउ घटाएसँगै अब भाडा पनि घट्ने बताईएको छ ।
