नेपाल वायुसेवा निगमका कर्मचारीले महाप्रवन्धक डिम प्रकाश पौडेललाई बर्खास्त गर्न माग गरेका छन् । प्रधानमन्त्री शेरबहादुर देउवालाई भेटेर आन्दोलनरत निगमका कर्मचारीले महाप्रवन्धक पौडेललाई तत्काल बर्खास्त गर्न माग गरेका हुन् ।
निगमका ९ वटा कर्मचारी संगठनहरुले प्रधानमन्त्री देउवालाई संयुक्त रुपमा भेट गरी महाप्रवन्धक पौडेललाई बर्खास्त गर्न र निगमको नीजिकरणको प्रक्रिया खारेज गर्न माग गरेका छन् ।
उनीहरुले महाप्रबन्धकको ३ सय प्रतिशत तलब वृद्धि खारेज गर्नुपर्ने र संचालक समितिमा निगमको व्यवसायिक स्वार्थ बाझिने संस्थासँग आवद्ध व्यक्तिको नियुक्ति खारेज गर्नुपर्ने माग पनि गरेका छन् ।
निगमका कर्मचारीहरु ३४ दिनदेखि आन्दोलनमा छन् ।