गुण एयरलाइन्सले विमानस्थलमा विद्युतीय बस प्रयोगमा ल्याएको छ । आन्तरिक उडानमा विद्युतीय बस प्रयोग गर्ने पहिलो एयरलाइन्स कम्पनी पनि गुण एयरलाइन्स नै बनेको छ ।
आफ्नै ब्राण्डमा फर्किएपछि पहिलो पटक शुक्रबारबाट नियमित उडान सुरु गरेको कम्पनीले त्रिभुवन अन्तराष्ट्रिय विमानस्थलमा यात्रु ओसारपसारका लागि २ वटा विद्युतीय बस प्रयोगमा ल्याएको हो ।
दुइवटा बिच एयरक्राफ्ट र थप गरिएको पाँच वटा जेट्स्ट्रीमसहित ७ वटा जहाज भएको गुण एयरलाइन्सले शुक्रबार बिचएअरक्राफ्टमार्फत भरतपुरबाट उडान सुरु गरेको हो ।
काठमाडौँबाट पोखरा र भरतपुरमा उडान सुरु गरेको कम्पनीले सिमरा, भैरहवा, तुम्लिङटार, जनकपुर, नेपालगन्ज, सुर्खेत र बिराटनगरमा पनि उडान गर्ने तयारी गरेको छ ।