नेपाल नागरिक उड्डयन प्राधिकरणको निमित्त महानिर्देशकमा प्रेम नाथ ठाकुर नियुक्त भएका छन् ।
संस्कृति, पर्यटन तथा नागरिक उड्डयन मन्त्रालयले उनलाई प्राधिकरणको निमित्त महानिर्देशकमा नियुक्त गरेको हो । प्राधिकरणका निवर्तमान महानिर्देशक राजकुमार क्षेत्रीले ५८ वर्षे उमेरहदका कारण अनिवार्य अवकाश पाएपछि उनी निमित्त महानिर्देशक बनेका हुन् ।
मन्त्रिपरिषद्को कार्तिक ८ को निर्णयबाट महानिर्देशक बनेका क्षेत्रीको उमेरका कारण ३ महिनामा नै पदावधि सकिएको हो ।
