वायु सेवा सञ्चालक संघले बुधबारदेखि हवाई सेवा बन्द गर्ने घोषणा गरेको छ ।
पत्रकार सम्मेलन गर्दै संघले जहाज र हेलिकप्टरहरू काठमाडौँ बाहिर पार्किङ गर्नुपर्ने नियमको विरोधमा जहाज र हेलिकप्टर नउडाउने निर्णय गरेको हो ।
विभिन्न कम्पनीका ५५ वटा जहाज र हेलिकप्टरहरू राती काठमाडौँ बाहिरका आधार विमानस्थलमा पार्किङ गर्नुपर्ने निर्णय गरेपछि संघले जहाज हेलिकप्टर नै नउडाउने घोषणा गरेको हो ।
सरकारले त्रिभुवन अन्तराष्ट्रिय विमानस्थलमा जहाजको चाप बढ्दै गएको र क्षमताले धान्न नसकेको भन्दै काठमाडौँ बाहिरका विमानस्थलमा पार्किङ गर्न भन्दै आधार विमानस्थल तोकिदिएको थियो ।