पोखरा अन्तराष्ट्रिय विमानस्थलमा आजबाट क्यालिब्रेसन उडान सुरु भएको छ । विमानस्थलमा जडान गरिएका उपकरणहरुको क्षमता परीक्षणका लागि क्यालिब्रेसन उडान सुरु भएको हो ।
एरो थाईको जहाजले क्यालिब्रेसन उडान गर्नेछ । यसका लागि एरो थाईको जहाज शनिबार नै पोखरा आइपुगेको छ ।
नेपाल नागरिक उड्डयन प्राधिकरणले यसअघि नै मंसिर ५ गतेदेखि ११ गतेसम्म पोखरा क्षेत्रीय अन्तराष्ट्रिय विमानस्थलको यान्त्रिक परीक्षण उडान गर्ने तालिका सार्वजनिक गरिसकेको छ ।
क्यालिब्रेसन उडानको प्रतिवेदनपछि परीक्षण उडान हुनेछ ।
पोखरा विमानस्थलमा १ जनवरी २०२३ देखि व्यावसायिक उडान गर्ने तयारी भइरहेको छ ।
