नेपाल नागरिक उड्डयन प्राधिकरणले श्री एयरलाइन्सका जहाजमाथि लगाएको उडान प्रतिबन्ध फुकुवा गरेको छ । प्राधिकरणका प्राविधिकहरुले श्रीका सबै जहाजहरुको प्राविधिक परीक्षण गरेपछि उडानका लागि अनुमति दिइएको प्राधिकरणका सहप्रवक्ता ज्ञानेन्द्र भूलले जानकारी दिए ।
बिहिबार भैरहवाको उडानमा जहाजको दायाँ इन्जिनमा आगो लागेको संकेत देखा परेपछि प्राधिकरणले शुक्रबारदेखि श्रीका सबै उडान रोकेको थियो । शुक्रबार बिहानैबाट उडानमा रहेका श्रीका जहाजहरुको प्राविधिक परीक्षण गरिएको थियो ।
अब श्री एयरका जहाजहरुले शनिबारदेखि नियमित उडान गर्नेछन् ।