भारतको बैंलोरका लागि उड्ने तयारीमा रहेको नेपाल वायु सेवा निगमको जहाजभित्र रहेकी एक महिला यात्रु अचानक रुँदै जहाज नचढ्ने भन्न थालिन् । जहाज उड्नै लागेको बेला रुँदै ओर्लिन्छु भन्न थालेपछि सबै यात्रुलाई ओरालेर जहाज एक घण्टा ढिलो गरी उडाइएको छ ।
आरए–२२५ नम्बरको उडानमा रहेकी यात्रु रोएपछि दिउँसो २ बजे उड्नुपर्ने जहाज ३ बजे मात्रै उड्यो । जहाजमा ११७ जना यात्रु थिए ।
रुने महिलालाई फिर्ता पठाइएको छ । उनले आफ्नो घरमा बिरामी मान्छे भएकाले भारत जान नसकेको जनाएकी छिन् ।