नेपाल एयरलाइन्सले भैरहवास्थित गौतमबुद्ध अन्तर्राष्ट्रिय विमानस्थलबाट उडान गर्ने भएको छ । नेपाल एयरलाइन्सले जेठ २९ गतेबाट भैरहवा विमानस्थलबाट नियमित उडान गर्ने गरी तालिका सार्वजनिक गरेको हो ।
नेपाल एयरलाइन्सले ‘काठमाडौं–क्वालालाम्पुर–भैरहवा–काठमाडौं’ रुटमा नियमित उडान गर्ने पक्का भएको नागरिक उड्डयनमन्त्री सुदन किरातीले जानकारी दिए । उनका अनुसार पहिलो चरणमा निगमले यो रुटमा साताको एक उडान गर्नेछ ।
निगमका प्रवक्ता रमेश पौडेलका अनुसार काठमाडौं–क्वालालाम्पुर–भैरहवा–काठमाडौं उडानका लागि निगमले टिकट बुकिङ खुला गरेको छ ।