काठमाडौंबाट पोखरा जान लागेको सौर्य एयरलाइन्सको ९ एनएएमई जहाज त्रिभुवन विमानस्थलमा दुर्घटना भएको छ।
उक्त कम्पनीको जहाज बुधबार करिब ११ बजे दुर्घटनामा परेको काठमाडौं उपत्यका प्रहरी कार्यालयले बताएको छ ।अहिले दुर्घटनामा निधन भएका यात्रुको शव निकाल्ने क्रम शुरु भएको छ ।
दुर्घटनापछि अहिले उद्धार जारी छ। प्रारम्भिक जानकारीअनुसार अहिले अग्नि नियन्त्रकहरूले चार जनाको शव निकालेका छन् । विमानमा सवार अन्यको अवस्थाबारे आधिकारिक विवरण आउने क्रममा छ ।
जहाजमा चालकदल सहित १९ जना रहेको स्रोतले बताएको छ। दुर्घटनामा परेका क्याप्टेन ३७ वर्षीय मनिष शाक्यको उद्धार गरिएको छ ।उनलाई सिनामंगलको केएमसी अस्पतालमा उपचारका लागि पठाइएको छ ।
प्र्रत्यक्षदर्शीका अनुसार जहाज उड्ने बित्तिकै जमीनमा खसेको थियो त्रिभुवन अन्तर्राष्ट्रिय विमानस्थल नागरिक उड्ययन प्राधिकरणका एक अधिकारीले विमानस्थलबाट उड्नेबित्तिकै जहाज एकाएक खसेको बताएका छन् ।
थप विवरण आउन बाँकी छ ।
.gif)
.gif)
