नेपाल राष्ट्र बैंकले 'घ' वर्गका लघुवित्त संस्थाहरुको लागि एकिकृत निर्देशन जारी गरेको छ । केन्द्रीय बैंकले आज आइतबार लघुवित्तहरुको लागि एकिकृत निर्देशन २०७७ जारी गरेको हो।
राष्ट्र बैंकले एकीकृत निर्देशन, २०७६ र सो पश्चात २०७७ असोज ८ सम्म जारी भएका परिपत्र र निर्देशन समेतलाई समावेश गरी एकिकृत निर्देशन जारी गरेको हो।
यस अघि राष्ट्र बैंकले एकीकृत निर्देशन, २०७६ मा गरिएका संशोधन परिमार्जन गरिएका व्यवस्था सार्वजनिक गरेको थियो । त्यसलाई समेत समायोजन गरेर राष्ट्र बैंकले एकिकृत निर्देशन २०७७ जारी गरेको हो।
राष्ट्र बैंकले यस अघि नै वाणिज्य बैंक, विकास बैंक र फाइनान्स कम्पनीहरुको लागि एकिकृत निर्देशन २०७७ जारी गरिसकेको छ ।