कामना सेवा विकास बैंकको प्रमुख कार्यकारी अधिकृत (सीईओ)मा दिनेश थकाली नियुक्त हुने भएका छन् । लामो बैंकिङ अनुभव भएका थकालीलाई बैंकको कार्यकारी अधिकृत बनाएर भित्र्याउने पक्का भएको कामना सेवाका अध्यक्ष सुदीप आचार्यले जानकारी दिए ।
अध्यक्ष आचार्यका अनुसार औपचारिक सम्झौता भने हुन बाँकी छ । ‘उहाँ आउने पक्का भइसक्यो, औपचारिक सम्झौता हुन बाँकी छ’ उनले भने ।
चार्टर्ड एकाउण्टेण्टसमेत रहेका थकालीसँग सांग्रिला डेभलपमेन्ट बैंकको प्रमुख कार्यकारी अधिकृत भएर काम गरेको अनुभव छ । उनले प्रभु क्यापिटलको प्रवन्ध संचालक पदमा रहेर पनि काम गरेका छन् ।
उनले प्रभु बैंकबाट राजिनामा दिइसकेका छन् ।