माछापुछ्रे बैंक Machhapuchchhre Bank Limited ले कास्कीमा ८ शाखा रहित बैंकिंग सेवा एकै पटक संचालनमा ल्याएको छ । बैंकले मादी गाउँपालिकाको टाङटिङ, थक, तापराङ, चितेपानी, तारकाङ, मिजुरेडाँडा, थुम्सिकोट र सैमराङमा शाखा रहित बैंकिंग सेवा सञ्चालनमा ल्याएको हो ।
बैंकले यी शाखा रहित सेवा केन्द्रहरुबाट खाता खोल्ने, रकम जम्मा गर्ने र झिक्ने, रेमिटेन्स भुक्तानी, साथै कर्जा आवेदन गर्न सक्ने जनाएको छ ।
बैंकले हाल ९६ वटा शाखा, ७३ शाखा रहित बैकिङ्ग सेवा र ११९ वटा एटीएम मार्फत सेवा दिँदै आएको छ ।
