सनराइज बैंकले सोलुखुम्बुको लिखुपिकेस्थित किन्जामा र रामेछाप गोकुलगङ्गास्थित शिवालयमा शाखा संचालनमा ल्याएको छ । किन्जा शाखाको लिखुपिके गाउँपालिकाका अध्यक्ष डम्बर बहादुर बस्नेत र शिवालय शाखाको गोकूलगंगा गाउँपालिकाका अध्यक्ष खड्ग बहादुर सुनुवारले उद्घाटन गरे ।
योसँगै बैंकको शाखा संख्या १०९ पुगेको छ । बैंकले ३५ वटा शाखा रहित बैंकिङ्ग सेवा, ४ वटा एक्सटेन्सन काउण्टर र १२२ वटा ए.टि.एम मार्फत सेवा दिँदै आएको छ ।