एनआईसी एशिया बैंकले सातै प्रदेशका विभिन्न ३० स्थानमा शाखा खोल्नको लागि जग्गाको खोजि थालेको छ। बैंकले प्रादेशिक कार्यालयको लागि जग्गा आवश्यक परेको भन्दै शिलबन्दी प्रस्ताव आह्वान गरेको हो ।
बैंकले १५ दिन भित्र आफुले बेच्न चाहेको जग्गाको मूल्य, नक्सा , फोटो, लोकेशन, प्रमाणपुराको प्रतिलिपि र नागरिकताको प्रतिलिपि सहित आवेदन माग गरेको हो । जग्गा कम्पनीको नाममा भए साधारणसभाले निर्णय गरेको माईन्युट र प्यान प्रमाणपत्र पनि माग गरेको छ ।
जग्गाको क्षेत्रफल ४ देखि १० आनासम्म (१३७० देखि ३४५० बर्गफिट) भएको हुनु पर्ने बैंकले स्पष्ट पारेको छ ।
