महालक्ष्मी विकास बैंकले निशुल्क स्वास्थ्य शिविर आयोजना गरेको छ । बैंकको संस्थागत सामाजिक उत्तरदायित्व अन्तर्गत सुकेधारा शाखाले शनिबार ओम अस्पताल तथा रिसर्च सेन्टरसँगको सहकार्यमा शिविर आयोजना गरेको हो ।
सुकेधारा चोकमा आयोजना गरिएको शिविरमा मधुमेह, स्त्री तथा प्रसुती रोग र रक्तचापको विशेष जाँच गरिएको जनाइएको छ । शिविरमा करिब तीनसय जनाले निशुल्क स्वास्थ्य जाँच गराएका छन् । उनिहरुलाई सुकेधारा शाखाले निशुल्क आवश्यक औषधी समेत उपलब्ध गराएको छ ।