ग्लोबल आइएमई बैंकले उग्रचण्डी नाला समाजलाई शैक्षिक छात्रवृति कोष स्थापना गर्न २ लाख सहयोग गरेको छ । बैंकका सहायक महाप्रबन्धक आरती राणाले समाजका अध्यक्ष चन्द्र लाल श्रेष्ठलाई उक्त रकम हस्तान्तरण गरिन् ।
रकम बुझ्दै समाजका अध्यक्ष श्रेष्ठले बैंकबाट प्राप्त रकमबाट शैक्षिक छात्रवृत्ति कोषको स्थापना गर्ने र प्राप्तव्याज रकमबाट चण्डेश्वरी उच्चमाध्यमिक विद्यालयमा अध्ययनरत गरिब तथा जेहेन्दार विद्यार्थीलाई वार्षिक रुपमा छात्रवृत्ति प्रदान गरिने जानकारी गराए ।
बैंकले सामाजिक उत्तरदायित्व अन्तर्गत सहयोग गरेको जनाएको छ ।
