मौद्रिक नीति बुधबार सार्वजनिक हुने भएको छ। बुधबार अपरान्ह ४ बजे मौद्रिक नीति सार्वजनिक हुने नेपाल राष्ट्र बैंक गभर्नर कार्यालयले जानकारी दिएको हो। राष्ट्र बैंकले अपरान्ह ४ बजे होटेल र्याडिसनमा औपचारिक कार्यक्रम गरेरै मौद्रिक नीति सार्वजनिक गर्न लागेको हो ।
राष्ट्र बैंकको बुधबार बिहान बसेको पूर्ण बोर्ड बैठकले मौद्रिक नीति पारित गरेको हो । मौद्रिक नीति सार्वजनिक गर्नु अगाडी राष्ट्र बैंकको बोर्ड बैठकले पारित गर्नु पर्छ । राष्ट्र बैंकको बोर्डमा गभर्नर डा चिरन्जीवी नेपाल, अर्थ सचिव डा राजन खनाल, डेपुटी गभर्नर द्वय शिवराज श्रेष्ठ र चिन्तामणि शिवाकोटी रहेका छन् । त्यस्तै बोर्डका अन्य सदस्यमा डा श्रीराम पौड्याल, डा सुबोधराम कर्ण र रामजी रेग्मी रहेका छन् ।
मौद्रिक नीतिमा यस अघि फोर्स मर्जरको नीति आउने चर्चा चलेपनि अब भने केहि सहुलियत सहित मर्जरमा जान प्रोत्साहन गर्ने गरी मौद्रिक नीति आउने स्रोतले जनाएको छ ।
