सनराइज बैंक र नेपाल बैंकिङ्ग इन्स्टिच्युट (एनबिआई) बिच तालिम तथा सिप विकासको सम्झौता पत्रमा हस्ताक्षर भएको छ । सम्झौतामा बैंकका तर्फबाट प्रमुख कार्यकारी अधिकृत जनकशर्मा पौड्याल र नेपाल बैंकिङ्ग इन्स्टिच्युटका प्रमुख कार्यकारी अधिकृत सन्जिव सुब्बाले हस्ताक्षर गरे ।
सम्झौता अनुसार नेपाल बैंकिङ्ग इन्स्टिच्युटले सनराइज बैंकका कर्मचारीलाई व्यक्तित्व तथा सिप विकासको प्रशिक्षण दिनेछ । उक्त सम्झौता अनुसार वार्षिक ५० लाख बराबरको प्रशिक्षण गराइने भएको छ ।