एटिएम ह्याक प्रकरणमा संलग्न ६ जना चिनियाँ नागरिक जेल चलान भएका छन् । उच्च अदालत पाटनले थुनछेक बहसपछि ६ जना चिनियाँ नागरिकलाई पुर्पक्षका लागि थुनामा राख्न आदेश दिएको हो ।
उच्चअदालतका न्यायधीशद्वय रामप्रसाद आोली र किरण पौडेलको संयुक्त इजलाशले ६ जना चिनियाँ नागरिकलाई थुनामा पठाउन आदेश दिएको हो । चिनियाँ प्रतिवादीहरु झु लियाङ्गगाङ्ग , चेन बिनबिन , लिन जियानमेङ्ग , लु जियालेई , कियु युनकिङ्ग , जु लुक्ली जेल चलान भएका हुन् । प्राप्त बयान , फुटेज र फोरेन्सिक रिपोर्टलाई आधार मान्दा उनीहरुले कसुर नगरेको भन्न नसकिने अदालतको आदेशमा उल्लेख छ ।
त्यस्तै नेपाली प्रतिवादीहरु देवनाथ लामिछाने , रेवती दुवाडी र रोशन प्रधानलाई अदालतले धरौटीमा रिहा गर्न आदेश दिएको छ । अदालतले लामिछानेलाई ३० लाख र अन्य २ लाइ समान २६ लाख धरौटीमा रिहा गर्न आदेश दिएको हो । लामिछाने ठमेलमा रहेको डेक्सो मनि चेञ्जरका सञ्चालक हुन् भने दवाडी नेपाललय मणि चेन्जरका प्रबन्धक हुन् । चिनियाँ नागरिकले झिकेको रकम साट्न यी नेपाली हरुले सहयोग गरेको प्रहरीको अनुसन्धानमा देखिएको छ । नेपाली प्रतिवादी बिरुद्द प्रहरीले विदेश इबिनिमय नियमित गर्ने ऐन २०१९ कारवाही गर्ने भएकोले अदालतले उनीहरुलाई प्रहरी परिसर टेकुमा पठाईदिन आदेश दिएको छ ।
फरार प्रतिवादीको हकमा म्याद जारि गरि प्रक्राउ गरेर अदालतमा पेश गर्न आदेशमा भनिएको छ ।
गत भदौ १४ गते नेपाल इलेक्ट्रक पेमेन्ट सिस्टम (नेप्स)को सिस्टमा ह्याक गरी नेपाल र भारतको विभन्न एटएएम बुथ प्रयोग गरी साढे ३ करोड भन्दा बढी रकम चोरी भएको थियो । नेपाल प्रहरीले घटनाको अनुसन्धान गरी उच्च अदालतमा मुद्दा दायर गरेको थियो। प्रहरीले ८ चिनियाँ नागरिक र ४ नेपाली नागरिक गरी कुल १२ जना बिरुद्द मुद्दा दायर गरेको हो ।
हेर्नुस आदेश
