एनआईसी एशिया बैंक NIC Asia Bank Limited ले रुपन्देहीमा शाखारहित बैंकिङ्ग सेवा सुरु गरेको छ । बैंकले मङ्सिर ६ गतेबाट जिल्लाको लुम्बिनी सांस्कृतिक नगरपालिका वडा नं.१३, ओडवलियामा आफ्नो ४३औं शाखारहित बैंकिङ्ग सेवा सुरु गरेको हो ।
उक्त शाखाको उद्घाटन नगरपालिकाका मेयर मनमोहन चौधरीले गरेका हुन् । उक्त शाखारहित बैंकिङ्ग सेवाको प्रतिनिधिको रुपमा अजय सिहं क्षेत्रीलाई नियुक्त गरिएको छ ।
बैंकले ३१० शाखा, ३८९ एटिएम, ९१ वटा एक्स्टेन्सन काउण्टर एवं ४३ वटा शाखारहित बैंकिङ्गमार्फत् बैंकिङ्ग सेवा प्रदान गरिरहेको छ ।
