मेगा बैंक Mega Bank Nepal Limited ले ‘आईएसओ ९००१ः२०१५ प्रमाणपत्र’ प्राप्त गरेको हो । अन्तर्राष्ट्रिय संस्था युनाइटेड रजिष्ट्रार अफ सिस्टम (युआरएस)ले बैंकलाई उक्त अवार्ड प्रदान गरेको हो । अन्तर्राष्ट्रिय मापदण्ड बमोजिमको गुणस्तरीय व्यवस्थापन प्रणाली अनुशरण गरेवापत संस्थाले बैंकलाई बुधबार प्रमाणपत्र प्रदान गरेको हो ।
आधुनिक बैंकिङ सुविधाहरु प्रदान गर्दै आएको र व्यवस्थापनमा गुणस्तर कायम गरेकोले प्रमाणिकरणको रुपमा आइएसओ प्रमाण पत्र पाएको बैंकले जनाएको छ ।
बैंकले १११ वटा शाखा कार्यालय, २१ वटा एक्सटेन्सन काउण्टर, ११२ वटा एटिएम मेसिन तथा ११९ वटा शाखारहित बैंकिङ्ग केन्द्र मार्फत सेवा प्रदान गर्दै आएको छ ।
