एनएमबि बैंक NMB Bank Limited मा नयाँ संचालक समिति चयन भएको छ । बैंकको गत बिहिबार सम्पन्न साधारणसभाले संस्थापक शेयरधनीको तर्फबाट प्रतिनिधित्व गर्ने ३ जना र सर्वसाधारण शेयरधनीको तर्फबाट प्रतिनिधित्व गर्ने ३ जना गरि कुल ६ जना संचालकहरु निर्वाचन गरेको हो ।
जस अनुसार बैंकको संचालकहरुमा संस्थापक शेयरधनीको तर्फबाट पवन गोल्यान, निको पिल (एनएमओ नेदरल्याण्डको तर्फबाट) र राजेन्द्र काफ्ले (कर्मचारी संचय कोषको तर्फबाट) चयन भएका छन् । त्यस्तै सर्वसाधारणको तर्फबाट सिरिष कुमार मुरारका, योगेन्द्र लाल प्रधान र उत्तम भ्लोन चयन भएका छन् ।
साधारणसभाके आर्थिक बर्ष ७५/७६ को मुनाफ बाट २१ प्रतिशत बोनस र १४ प्रतिशत नगद (कर प्रयोजनको लागि समेत) गरि कुल ३५ प्रतिशत लाभांश वितरण गर्ने प्रस्ताव पनि पारित गरेको छ ।