सेञ्चुरी कमर्सियल बैंक Century Commercial Bank Limited र धुलिखेलमा रहेको माउण्ट प्रिन्सेस होटल बीच छुट सम्बन्धी सम्झौता भएको छ । उक्त सम्झौतामा बैंकका धुलिखेलका शाखा प्रबन्धक दिपक ढुङ्गाना र होटलका प्रमुख कार्यकारी अधिकृत जोत्सना सैंजुले हस्ताक्षर गरेका छन् ।
सम्झौता अनुसार बैंकका ग्राहकहरुले उक्त होटलमा डिजिटल माध्यमबाट भुक्तानी गर्दा १० प्रतिशत छुट पाउने छन् । नेपाल भ्रमण बर्ष २०२० सफल पार्न उद्येश्यले बैंकले आफ्ना देशैभरका खातावाला डेविट तथा क्रेडिट कार्ड ग्राहाक र संस्थापक शेयरधनीलाई सहुलियत प्रदान गर्ने गरि सम्झौता गरेका जनाएको छ ।
सम्झौता अनुसार बैंकको देशैभरका खातावाला डेविट तथा क्रेडिट कार्ड ग्राहाक र संस्थापक शेयरधनीले होटलको रुम बुकिङ र फुड एण्ड वेभरेज लगायतका सेवा सुविधामा १० प्रतिशत छुट पाउनेछन् । बैंकले देशभर १३८ शाखा र ८३ वटा एटिम मार्फत सेवा प्रदान गर्दै आएको छ ।