ग्लोबल आइएमई बैंक Global IME Bank Limited ले वित्तीय साक्षरता कार्यक्रम सम्पन्न गरेको छ । बैंकले संस्थागत सामाजिक उत्तरदायित्व अन्तरगत कैलालीको टिकापुर स्थित बिरेन्द्र विद्यामन्दिर क्याम्पसमा उक्त कार्यक्रम सञ्चालन गरेको हो ।
क्याम्पसका विद्यार्थी र शिक्षकहरुलाई लक्षित गरी संचालन गरिएको कार्यक्रममा करिब १०० जनाको उपस्थिति रहेको बैंकले जनाएको छ । बैंकका अनुसार कार्यक्रममा निक्षेप, कर्जा लगानी र यसको सदुपयोग, आधुनिक बैंकिङ्ग, डिजिटल बैंकिङ्ग तथा मोवाईल बैंकिङ्ग र रेमिट्यान्स कारोवार सम्बन्धी जानकारी उपलब्ध गरिईएको थियो ।
