भारतीय बैंक ‘यस बैंक’का संस्थापक राना कपूर पक्राउ परेका छन् । कपूरलाई भारतको वित्तीय अपराध सम्बन्धी जाँच एजेन्सीका अधिकारीहरुले आईतबार पक्राउ गरेको हो ।
उनलाई सम्पत्ति शुद्धिकरणको आरोपमा पक्राउ गरिएको भारतीय सञ्चारमाध्यमहरुले जनाएको छ । रिजर्भ बैंकले शुक्रबार यस बैंकको संचालक समिति भंग गर्दै ब्यबस्थापन आफ्नो जिम्मामा लिएको थियो । साथै यस बैंकमाथि कारोबार गर्न पनि प्रतिबन्ध लगाईएको छ ।