.gif)
चालु आर्थिक वर्षको तेस्रो त्रैमासमा सेन्चुरी कमर्शियल बैंक Century Commercial Bank Limited को नाफा ४९.९६ प्रतिशतले बढेको छ । बैंकले यस अवधिमा ९१ करोड ५७ लाख नाफा कमाएको हो । गत आर्थिक वर्षको यसै अवधिमा बैंकले ६१ करोड ६ लाख नाफा कमाएको थियो । बैंकको वितरण योग्य मुनाफा भने १३ करोड ४१ लाख रहेको छ ।
बैंकको निक्षेप गत आर्थिक वर्षको यसै अवधिको तुलनामा २.४९ प्रतिशतले बढेर ५८ अर्ब ७७ करोड पुगेको छ भने कर्जा १.७९ प्रतिशतले बढेर ५८ अर्ब १० करोड पुगेको छ । बैंकको खुद ब्याज आम्दानी १४.१९ प्रतिशतले बढेर २ अर्ब २५ करोड पुगेको छ । गत आवको यसै अवधिको तुलनामा बैंकको खुद ब्याज आम्दानी १ अर्ब ९७ करोड थियो ।
बैंकको खराब कर्जा २.१९ प्रतिशत रहेको छ । हाल बैंकको चुक्ता पुंजी ८ अर्ब ४१ करोड रहेको छ भने रिजर्भमा २ अर्ब ५० करोड रहेको छ । बैंकले आर्थिक वर्ष ७५/७६ मा २ प्रतिशत बोनस र ४.७५ प्रतिशत नगद लाभांस वितरण गर्ने प्रस्ताव गरेको थियो जुन वित्तीय विवरणमा समायोजन हुन् बाँकि रहेको छ ।
बैंकको प्रति शेयर आम्दानी १४.५१ , नेट वर्थ १२९.७२, मूल्य आम्दानी अनुपात १०.९६ गुणा, बेस रेट १०.२७ प्रतिशत, कोषको लागत ७.८१ प्रतिशत, सिसिडि ७७.८९ , र पुंजी पर्याप्तता अनुपात १४.४८ रहेको छ।
