सनराइज बैंक Sunrise Bank Limited ले सम्पूर्ण कर्मचारीहरुको कोभिड–१९ बीमा गराएको छ । प्रत्येक कर्मचारीहरुको एक लाख रुपैंया बराबरको कोरोना बीमा लुम्बिनी जनरल इन्स्योरेन्स मार्फत गराएको बैंकले जनाएको छ ।
यससंगै कर्मचारीहरुमा कोरोना भाइरस संक्रमण पुष्टि भएमा कम्पनीबाट बीमा दाबी गर्न सकिने छ ।
बैंकले कोरोना भाईरसको संक्रमणबाट सुरक्षित रहन आफ्ना सम्पूर्ण कर्मचारीहरुलाई मास्क, पञ्जा, सेनिटाइजर जस्ता अति आवश्यक सुरक्षा सामाग्रीहरु समेत उपलब्ध गराउदै आएको जानकारी गराएको छ ।
