अब बैंक तथा तथा वित्तीय संस्थाहरु पनि २ सिफ्टमा संचालन हुने भएका छन् । बुधबार बसेको मन्त्रिपरिषद्को बैठकले सबै सरकारी तथा गैरसरकारी संस्था, शिक्षण संस्था (पठनपाठन कार्य बाहेक), निजी तथा सार्वजनिक संस्थाहरु, बैंक त्तहा वित्तीय संस्थाहरु समेतका कार्यालयहरु २ सिफ्टमा सञ्चालन गर्ने निर्णय गरेको हो ।
सरकारका प्रवक्ता, अर्थ तथा सञ्चार तथा सूचना प्रविधिमन्त्री डा. युवराज खतिवडाले पहिलो सिफ्ट बिहान ८ बजेदेखि १ बजेसम्म र दोस्रो सिफ्ट १ बजेदेखि ६ बजेसम्म हुने जानकारी दिए । मन्त्रिपरिषदको निर्णयसंगै बैंक तथा वित्तीय संस्थाका सबै शाखा पूर्णरुपमा सञ्चालन हुने भएका छन् । लकडाउनमा बैंकहरुले सिमित शाखाहरुबाट मात्रै सेवा दिदै आएका आएका थिए ।
