बैंकर योगेन्द्र श्रेष्ठविरुद्ध २ अर्ब ६६ करोडको मुद्दा दायर भएको छ। उनले गैरकानुनी रुपमा सम्पत्ति आर्जन गरेको भन्दै सम्पत्ति शुद्धीकरण अनुसन्धान विभागले विशेष अदालत काठमाडौंमा मुद्दा दायर गरेको हो।
विभागले उनीसँग बिगो र बिगोको दोब्बर जरिवाना माग गरेको छ भने ५ वर्षसम्मको कैद सजाय माग गरेको छ । नेपाल सेयर मार्केट्स एन्ड फाइनान्स कम्पनीका तत्कालीन कार्यकारी अध्यक्षसमेत रहेका श्रेष्ठले विभिन्न बैंक तथा वित्तीय संस्थाबाट ऋण लिएर दुरुपयोग गरेको विभागले जनाएको छ ।
श्रेष्ठ विरुद्ध यसअघि बैंकिङ कसुरमा मुद्दा दायर भएको थियो। उनले नेपाल सेयर मार्केट्स एन्ड फाइनान्समा करिब दुई अर्ब घोटाला गरेको यसअघि भएको अनुसन्धानले पुष्टि गरेको थियो । उनले सर्वसाधारणको निक्षेपसमेत छल पूर्वक आफ्ना खातामा पठाउने गरेको खुलेको थियो । यहि कारण राष्ट्र बैंकले यो कम्पनीलाई समस्याग्रस्त घोषणा गरेको थियो ।
यस अघि बैंकिङ कसुर मुद्दामा उनलाई सर्वोच्च अदालतले २०७१ असार १२ गते ३५ लाख धरौटीमा छाड्न आदेश दिएको थियो ।
