नेपाल राष्ट्र बैंकले विभिन्न सुरक्षा मापदण्ड अपनाएर सम्पूर्ण बैंकिङ सेवा सुचारु गर्न निर्देशन दिएको छ । नेपाल सरकारले लकडाउन समाप्त भएको घोषणा गरेसंगे राष्ट्र बैंकले यस्तो निर्देशन जारि गरेको हो ।
राष्ट्र बैंकका कार्यालयहरु जुन समयसम्म संचालन हुने हो, बैंक तथा वित्तीय संस्थालाई पनि सो समयसम्म सेवा दिन राष्ट्र बैंकले निर्देशन दिएको हो । राष्ट्र बैंकले सुरक्षा मापदण्ड अपनाउन, विद्युतिय कारोबार प्रोत्साहन गर्न, र सेवाग्राहीको भिडभाड नहुने गरी दुरी कायम गरेर सेवा दिन पनि निर्देशन दिएको छ ।