नेपाल राष्ट्र बैंकले विभिन्न ४ वटा कर्जामा सिलिङ तोकेको छ। राष्ट्र बैंकले निश्चित प्रयोजन नखुलेका अधिविकर्ष कर्जा (ओभरड्राफ्ट), धितो कर्जा , सम्पत्ति कर्जा , व्यक्तिगत आवधिक कर्जा र सेयरको धितोमा प्रदान गरिएको कर्जा लगायत जुनसुकै शीर्षकका व्यक्तिगत कर्जाहरुमा सिलिङ तोकेको हो ।
यो प्रकृतिको कर्जाहरु अब एक व्यक्तिले ५० लाख भन्दा बढी लिन पाउने छैनन् । राष्ट्र बैंकले सोमबार निर्देशन जारि गर्दै यस्तो ब्यबस्था गरेको हो । यदि सो सीमा भन्दा बढी कर्जा प्रवाह भएको खण्डमा ०७९ असार मसान्तभित्र क्रमिक रुपमा तोकिएको सीमाभित्र ल्याइसक्नु पर्ने ब्यबस्था राष्ट्र बैंकले गरेको छ ।
तर, बैंक तथा वित्तीय संस्थाले आफ्नै मुद्दती निक्षेप रसिद, सुन चाँदी एवं नेपाल सरकार वा नेपाल राष्ट्र बैंकको ऋणपत्रको धितोमा कर्जा प्रदान गर्न, र शतप्रतिशत नगद मार्जिनमा जमानत जारी गर्न भने व्यवस्थाले रोक्ने छैन ।