आर्थिक वर्ष ७६/७७ मा कृषि विकास बैंक Agriculture Development Bank Limited खुद नाफा १७.२६ प्रतिशतले घटेको छ। अघिल्लो आर्थिक वर्षमा ४ अर्ब १९ करोड खुद नाफा कमाएको बैंकको नाफा गत आर्थिक वर्षमा घटेर ३ अर्ब ४६ करोड कायम भएको हो ।
यस अवधिमा बैंकको वितरण योग्य मुनाफा १ अर्ब ६६ करोड रहेको छ । त्यस्तै बैंकको संचालन मुनाफा १६.५१ प्रतिशतले घटेर ४ अर्ब ४५ करोड कायम भएको छ ।
यस अवधिमा बैंकको निक्षेप १ खर्ब ४३ अर्ब रहेको छ भने कर्जा प्रवाह १ खर्ब २३ अर्ब रहेको छ । हाल बैंकको चुक्ता पुँजी १४ अर्ब ४४ करोड रहेको छ भने रिजर्भमा १४ अर्ब ९८ करोड रहेको छ । बैंकको खराब कर्जा ३.२९ प्रतिशतबाट घटेर २.७१ प्रतिशत कायम भएको छ ।
बैंकको प्रति शेयर आम्दानी ३२.८८, मूल्य आम्दानी अनुपात ११.७१, तरलता अनुपात ३३.९८, बेस रेट ९.२६, सिसिडि ६६.३१ प्रतिशत, र नेट वर्थ २४०.९५ रहेको छ ।
