भारतमा रहेका नेपालीले ओम एक्सप्रेस पेमेन्ट सर्भिसेज मार्फत निशुल्क रुपमा रकम पठाउन पाउने भएका छन् । माछापुच्छ्रे बैंकले भारतस्थित ओम एक्सप्रेस मार्फत नेपालमा रकम पठाउदा शुल्क नलाग्ने व्यवस्था गरेको हो ।
चाडबाडको समयलाई लक्षित गरि असोज १२ गते देखि २ महिनासम्म भारतमा रहेका नेपालीहरुले त्यहाँ स्थित ओम एक्सप्रेस मार्फत नेपालमा बिनाकुनै अतिरिक्त शुल्क पैसा पठाउन सक्ने बैंकले जनाएको छ । यसरी पठाएको पैसा नेपालमा रहेका माछापुच्छ्रे बैंकका सबै शाखा, शाखा रहित बैंकिङ्ग र १० हजार भन्दा बढि रेमिट्यान्स एजेन्ट मार्फत झिक्न सकिने छ ।
माछापुच्छ्रे बैंकले १६० वटा शाखा, १३३ शाखारहित बैकिङ्ग र १९९ वटा एटीएम मार्फत सेवा दिदै आइरहेको छ ।