सानिमा बैंकले थाप शाखा विस्तार गरेको छ । बैंकले रौतहटको चन्द्रपुरमा आफ्नो ८३औं शाखा विस्तार गरेको हो ।
सो शाखाको उद्घाटन चन्द्रपुर नगरपालिकाका मेयर रामचन्द्र चौधरीले गरेका हुन् । कोरोना भाइरसको संक्रमणलाई ध्यानमा राख्दै सुरक्षा सावधानीका उपायहरु अपनाई शाखा संचालनमा आएकोमा मेयर चौधरीले बैंकलाई धन्यवाद दिए । आगामी दिनमा पनि सुरक्षित तरिकाले शाखाको सेवा सुचारु राख्न उनले बैंकलाई अग्रह समेत गरे ।
सो शाखा संचालनमा आएसँगै चन्द्रपुर र सो क्षेत्र आसपासका बासिन्दालाई गुणस्तरीय बैंकिङ्ग सेवामा सहज पहुँच पुग्ने विश्वास रहेको बैंकले जनाएको छ ।
बैंकले सातै प्रदेशमा ८३ वटा शाखा, १५ विस्तारित काउन्टर र ८१ वटा एटिएमबाट सेवा दिदै आइरहेको छ ।
