सरकारले सहुलियतपूर्ण कर्जा कार्यविधि संशोधन गरेको छ । मन्त्रिपरिषद्को असोज ८ गते बसेको बैठकले कर्जाका लागि ब्याज अनुदान सम्बन्धि एकिकृत कार्यविधि २०७५ मा तेस्रो संशोधन गरेको हो ।
सरकारले कार्यविधि संशोधन गरेसँगै नेपाल राष्ट्र बैंकले संशोधित कार्यविधि अनुसार गर्न गराउन सबै बैंक तथा वित्तीय संस्थालाई निर्देशन दिएको छ । यस अघि उक्त कार्यविधिमा पहिलो पटक २०७६ बैशाख ५ मा र दोस्रो पटक २०७६ कार्तिक २९ मा संशोधन भएको थियो ।