एनएमबि बैंक NMB Bank Limited मा डिजिटल माध्यमबाटै खाता खोल्न सकिने भएको छ । बैंकले फेसबुक तथा भाइबरबाटै खाता खोल्न मिल्ने व्यवस्था गरेको हो ।
घरमै बसी भाइबरमा च्याट र एनएमबि ई–एप मार्फत पनि मुद्दती निक्षेप खाता खोल्ने र नविकरण गर्न सकिने सेवा प्रस्तुत गरेको बैंकले जनाएको छ । हप्ताको सातै दिन कुनैपनि समयमा भाइबर र फेसबुकबाट खाता खोल्न सकिने छ ।
बैंकका अनुसार बचत खाता सोशल अनबोर्डिंग अन्तर्गत खोलिने छ र मासिक क्रेडिट कारोवारको थ्रेसहोल्डको साथ कारोबारको लागि तत्काल र स्वचालित रूपमा सक्रिय हुन ५ हजार रुपैयाँसम्म हुने व्यवस्था गरिएको छ । पहिलो पटकको काराबारमा ई-एनएमबी एपको माध्यमबाट ५०० सम्म क्यासब्याक प्राप्त गर्न सकिन्छ ।