माछापुच्छ्रे बैंक Machhapuchchhre Bank Limited ले नेपाल भेटेनरी संघका सदस्यहरुलाई बैंकिङ्ग सुविधामा सहुलियत दिने भएको छ । बैंक र संघबीच बुधबार भएको सम्झौतासंगै संघमा प्रत्यक्ष र अप्रत्यक्ष रुपमा आवद्ध रहेका सदस्यले बैंकिङ्ग सेवामा सहुलियत पाउने भएका हुन् ।
सम्झौतामा बैंकका तर्फबाट दायित्व व्यवस्थापन एंव बाह्य मामिला प्रमुख सुनिल खतिवडा र संघको तर्फबाट अध्यक्ष डा. सितल काजी श्रेष्ठले हस्ताक्षर गरेका हुन् । सम्झौता पश्चात बैंकले आफ्ना सम्पूर्ण शाखाबाट सघंका सदस्यहरुलाई निक्षेप खाता, कर्जा तथा अन्य बैंकिङ्ग सुबिधामा सहुलियत प्रदान गर्ने जनाइएको छ ।
बैंकले १६० वटा शाखाहरु, १३३ शाखारहित बैकिङ्ग सेवा र ५ एक्सटेन्स काउण्टर समेत गरी जम्मा २९८ स्थानमा रहेका सेवा सञ्जाल मार्फत सेवा दिदै आइरहेको छ ।