ग्लोबल आइएमई बैंक Global IME Bank Limited ले एकसाथ एकैदिन ६ वटा शाखारहित बैंकिङ्ग सेवा सञ्चालन गरेको छ । बैंकले एकैदिन विभिन्न जिल्लामा एकैसाथ ६ वटा शाखारहित बैंकिङ्ग सेवा सञ्चालन गरेको हो ।
बैंकले तेह्रथुम फेदाप गाउँपालिकामा, धनुषाको नगराईन नगरपालिका फुलगामा, दैलेखको दुल्लु नगरपालिका तथा भैरबी गाउँपालिकामा, बाग्लुङको बाडिगड गाउँपालिका सिमालचौरमा र पाँचथरको याङवरक गाउँपालिकामा नयाँ शाखारहित बैंकिङ्ग सेवा सञ्चालनमा ल्याएको हो । थप ६ वटा शाखारहित बैंकिङ्ग सेवा संचालनमा आएसँगै बैंकको शाखारहित बैंकिङ्ग सेवा संख्या २३८ पुगेको छ ।
बैंकले २६४ शाखा सञ्जाल सहित २३९ एटिएम, ४७ एक्सटेन्सन काउण्टर तथा राजश्व संकलन काउण्टर, २३८ शाखा रहित बैंकिङ्ग सेवा मार्फत सेवा दिदै आइरहेको छ ।
