बैंक अफ काठमाण्डूका ग्राहकले नेशनल प्याथ ल्याब तथा रिसर्च सेन्टरमा छुट पाउने भएका छन् । बैंक र ल्यावले बुधबार यसै विषयमा सम्झौता गरेसंगै ग्राहकले यस्तो छुट पाउने भएका हुन् ।
बैंकको डेबिट तथा क्रेडिट कार्डको माद्यमबाट भुक्तानी गर्दा ल्यावले १५ प्रतिशत छुट उपलब्ध गराउने सम्झौतामा उल्लेख छ । उक्त सम्झौतामा बैंकका बुटवल शाखा कार्यालयका शाखा प्रबन्धक रत्न बहादुर खड्का र ल्याबका रुपन्देहीका निर्देशक पवन जोशीले हस्ताक्षर गरेका हुन् ।
राष्ट्रिय जनस्वास्थ्य प्रयोगशालाबाट क क्षेणीको मान्यता प्राप्त प्रयोगशाला ल्याबले बुटवल, भैरहवा, गुल्मी, अर्घाखाँची, तुलसीपुर, घोराही तथा धनगढी लगायतको क्षेत्रहरुमा सेवा प्रदान गर्दै आईरहेको छ ।
बैंकले हाल ९१ शाखा कार्यालय,७८ एटिएम र १० एक्स्टेन्सन काउन्टरबाट सेवा दिदै आइरहेको छ ।
