आजबाट आरटीजीएस प्रणाली मार्फत हुने कारोबारमा साविक बमोजिम कै शुल्क लाग्ने भएको छ । नेपाल राष्ट्र बैंकले आज माघ ३ गते देखि लागु हुने गरि आरटीजीएस सिस्टम रुल्स २०१९ को अनुसुची ५ बमोजिम शुल्क लाग्ने ब्यबस्था गरेको हो ।
जस अनुसार बिहानको समयमा भएको कारोबारमा १० रुपैयाँ, दिउँसोको समयमा भएको कारोबारमा २० रुपैया र बेलुकाको समयमा भएको कारोबारमा १०० रुपैयाँ शुल्क लाग्ने छ ।
आरटीजीएस प्रणालीलाई तत्काल फण्ड प्राप्त गर्न र अन्य भुक्तानी प्रणालीको फर्छौट सम्बन्धी जोखिम न्यूनीकरण गर्न प्रयोगमा ल्याइने एक राष्ट्रिय भुक्तानी प्रणालीको मेरुदण्डको रुपमा लिइन्छ । नेपालमा आरटीजीएस प्रणाली नेपाल राष्ट्र बैंकले लागू गरेको हो ।