नेपाल बैंक Nepal Bank Limited ले दोलखाको जिल्ला प्रशासन कार्यालयमा एक्स्टेन्सन काउण्टर सञ्चालनमा ल्याएको छ । माघ ७ गतेबाट बैंकले आफ्नो ३९औं एक्स्टेन्सन काउण्टर सञ्चालनमा ल्याएको हो ।
एक्स्टेन्सन काउण्टरको उद्घाटन दोलखा जिल्लाका प्रमुख जिल्ला अधिकारी रमेश प्रसाद शिवाकोटीले गरे । बैंकको यस एक्स्टेन्सन काउण्टरबाट राहदानी लिन जिल्ला प्रशासान कार्यालयमा आउने, मालपोत एवं नापी कार्यालय, भीमेश्वर नगरपालिका कार्यालय लगायतमा आउने सेवाग्राहीलाई सहज हुने प्रजिअ शिवाकोटीको विश्वास छ ।
बैंकले हाल २०४ शाखा, ३९ वटा एक्स्टेन्सन काउण्टर, १४२ वटा एटिएममार्फत सेवा दिँदै आएको छ ।
