सनराइज बैंक Sunrise Bank Limited को प्रमुख कार्यकारी अधिकृतमा सुमन शर्मा नियुक्त भएका छन् । बुधबार बसेको बैंकको संचालक समितिको बैठकले शर्मालाई प्रमुख कार्यकारी अधिकृत नियुक्त गरेको हो ।
जनक शर्मा पौडेलले मंगलबार प्रमुख कार्यकारी अधिकृत पदबाट राजिनामा दिएपछि उनको स्थानमा सुमन शर्मालाई ल्याईएको हो । उनको कार्यकाल ४ वर्षको हुने छ ।
यसअघि शर्मा माछापुच्छ्रे बैंकको सीईओ थिए । परिवारका सदस्यको स्वास्थ्यका कारण परिवारलाई बढी समय दिनु परेको र बैंकलाई पर्याप्त समय दिन नसकेपछि उनले कार्यकाल नसकिदै राजिनामा दिएका थिए । माछापुच्छ्रेमा ४ वर्षको लागि नियुक्त भएका उनले २३ महिना मै बैंक छोड्ने निर्णय गरेका थिए।
सन् १९९७ मा नेपाल एसबिआइ बैंकबाट करियर सुरु गरेका शर्मासँग २४ वर्षको बैंकिङ अनुभव छ ।
