ग्लोबल आइएमई बैंक Global IME Bank Limited ले ट्राफिक जरिबाना बापत बुझाउनुपर्ने रकम उपत्यका बाहिरबाट पनि भुक्तानी गर्ने सेवा सुरु गरेको छ।
ग्लोबल आइएमई बैंक र जिल्ला ट्राफिक प्रहरी कार्यालय चितवनबीच भएको समझदारी अनुरुप चितवन जिल्लाभर सवारी नियम उल्लघंन हुँदा बुझाउनुपर्ने जरिबाना रकम बैंकका जुनसुकै शाखाबाट बुझाउन सकिनेछ ।
प्रहरी नायव महानिरीक्षक बसन्तकुमार लामाले उक्त सेवाको शुभारम्भ गरेका छन् । बैंकका नारायणगढ शाखा प्रबन्धक नारायण प्रसाद पौडेलले जिल्ला ट्राफिक प्रहरी कार्यालयको सहकार्यमा बैंकले यो सेवा सुरु गरेको बताए ।
बैंकले हाल २७० शाखा, २४२ एटीएम, ४७ राजश्व संकलन एवम् एक्सटेन्सन काउन्टर, २४५ शाखा रहित बैंकिङ्ग सेवा तथा ३ वटा बैदेशिक प्रतिनिधि कार्यालयमार्फतसेवा प्रदान गरिरहेको छ ।