मन्त्रिपरिषद्को बैठक सुरु भएको छ । प्रधानमन्त्री निवास वालुवाटारमा साँझ ६:३० बजे मन्त्रिपरिषद्को बैठक सुरु भएको हो । सर्वोच्च अदालतले नेकपाको एकता बदर गरेर नेकपा एमाले र माओवादी केन्द्रलाई एकता अगाडीको पूर्ववत् अवस्थामा फर्कन आदेश दिएपछि पहिलो पटक मन्त्रिपरिषद्को बैठक बसेको हो ।
आजको बैठकमा नेपाल राष्ट्र बैंकको डेपुटी गभर्नरको नियुक्ति हुन सक्ने बताईएको छ । शिवराज श्रेष्ठ र चिन्तामणी शिवाकोटीको पाँच बर्षे कार्यकाल पुरा गरी फागुन १८ गतेबाट अवकाश पाएपछि दुवै डेपुटी गर्भनरको पद रिक्त छ ।
गभर्नरले ४ जनाको नाम सिफारिस गर्ने र ति मध्येबाट मन्त्रिपरिषद्ले २ जनालाई नियुक्त गर्ने ब्यबस्था छ ।