राष्ट्रिय वाणिज्य बैंक Rastriya Banijya Bank ले व्यवसायिक चालुपूँजी कर्जाको अधिकतम प्रिमियम दर घटाएको छ । चैत्र १ गतेबाट बैंकले सम्पूर्ण व्यवसायिक चालुपूँजी कर्जाको अधिकतम प्रिमियम दर ०.५० प्रतिशतले घटाएको हो ।
नयाँ तथा पुराना ग्राहकहरुको लागि व्यवसायिक कर्जामा रहेको ३.२५ प्रतिशत अधिकतम प्रिमियम दर घटाई २.७५ प्रतिशत मात्रै हुने गरी तोकेको हो । बैंकले हाइपोथिकेशन, ओभरड्राफ्ट, डिमाण्ड लोन, चालुपूँजी जस्ता व्यवसायिक कर्जा प्रवाह गरिरहेको छ ।
बैंकले निक्षेपमा दिने ब्याजदर पनि बढाएको छ ।
बैंकले २४७ वटा शाखा, २०५ वटा एटिएम र ९८ वटा शाखा रहित बैंकिङ्ग मार्फत सेवा दिँदै आएको छ ।