सनराइज बैंक Sunrise Bank Limited विरगंज शाखा र लायन्स क्लब विरगंजले आ.एम केडिया आई अस्पतालको सहयोगमा विरगंज ३१,परसौनिमा निशुल्क आँखा शिविर सम्पन्न भएको छ ।
बैंकले आफ्नो सामाजिक उत्तरदायित्व अन्तर्गत सर्वसाधारणलाई सहज स्वस्थ्य सुबिधा दिने उद्देश्यसाथ शनिवार शिविर आयोजना गरेको जनाएको छ । सो कार्यक्रम सम्पन्न गर्न बैंकले लायन्स क्लब विरगंजलाई १ लाख ८० हजार आर्थिक सहयोग गरेको हो ।
शिविरमा २ सय ५० जनाको आँखा परिक्षण गरेकोमा १०० जनाको आँखामा समस्या देखिएको बैंकले जनाएको छ। समस्या देखिएका १०० जनाको समेत निशुल्क उपचार हुने जानाएकोे छ । उक्त शिविरमा अस्पतालको ७ जना टोलिले सेवा प्रदान गरेका थिए ।
