नेपाल बैंक Nepal Bank Limited र काठमाडौँ मल (दिवा सपना जेभी) क्युआर कोड र एटिएम प्रयोग गर्ने सम्बन्धि सम्झौता भएको छ । सम्झौतामा बैंकको तर्फबाट प्रमूख कार्यकारी अधिकृत कृष्ण बहादूर अधिकारी र काठमाडौँ मल व्यवस्थापक कम्पनीको तर्फबाट प्रमूख व्यवस्थापक विष्णुहरु ढकालले हस्ताक्षर गरेका छन् ।
सम्झौता अनुसार नेपाल बैंकले मलका स्टलहरुमा भुक्तानीको लागि नेपाल बैंकको क्यु आर कोड प्रविधि जडान गर्ने छ भने मलको परिसरमा बैंकको एटिएम समेत जडान गर्ने छ । साथै बैंकले मलका व्यावसायिहरुलाई सहूलियत दरमा बिना धितो कर्जा पनि उपलब्ध गराउने छ ।
बैंकले देशभर रहेका २०५ शाखा, ४१ एक्स्टेन्सन काउण्टर, १४६ वटा एटिएम सहित डिजिटल बैंकिङ्ग मार्फत् सेवा प्रदान गर्दै आईरहेको छ ।
