राष्ट्रिय वाणिज्य बैंकको आरबिबि मोवाइल बैंकिंग कारोबार गर्ने नौ जना विजयीहरुको नाम घोषणा गरेको छ । ७७ चैत ५ गतेदेखि एक महिनमा करिब ७३ हजार कारोबारबाट र्यान्डम्ली छनौट भएका नौ जना विजयीहरुको नाम घोषणा गरेको हो ।
सो समारोहमा नयाँ मोवाइल बैंकिङ्ग प्रयोगकर्ताहरु मध्येबाट स्वर्णिम पौडेलले थाइलैण्ड भ्रमणको कपल टुर (4N 5 D) मेगा पुरस्कार प्याकेज पाएका छन् । यसैगरी तुलाराज बोहोरा, प्रविन वली, बालकृष्ण देवकोटा, सिद्धिलाल साह तेली, सृजना नेपाली, सक्षम अधिकारी, प्रेमबहादुर भण्डारी र नुरुलहोडा अन्सारीले सामसुङ्ग ग्यालेक्सी M01 Core ब्राण्डको एक एक थान मोवाइल फोन सेट पाएका छन् ।
बैंकले डिजिटल कारोबारलाई प्रोत्साहन गर्नको लागि गत वर्षदेखि एफवान सफ्टको सहकार्यमा आर बि बि मोवाइल बैंकिंग महामेला कार्यक्रम संचालन गरिरहेको छ ।
यसको लागि बैंकको मोवाइल बैंकिङ्गबाट ग्राहकहरुले कारोबार गर्नुपर्ने हुन्छ । बैंकसंग खाता खोली मोवाइल बैंकिङ्ग आरबिबि स्मार्टबाट डिजिटल कारोबार गर्दा ग्राहकले छुट लगायत उपहार पाउने छन् ।